regionalforum-saar - Nachricht 2023-04 00015

[Roland Geiger via Regionalforum-Saar <regionalforum-saar(a)...]

Arabisch?
Isch bin de Naachtwächda fónn Sangt Wennel - also eigentlich ääna fónn tswaii. Gischde òmend waa isch an da Räi. Hammäi Audo gepaagt, die Pieke sesamme geschroubt, die Lamp aangestoch ónn ma alle zwaai iwwa die Schólda gehängd ónn bin óm de Dom róm fòa die groß Deea gang, fò se gugga, wer dòh éss. Die gans Trepp waa fóll métt junge Läid - also säx ódda siwwe warens beschdémmt. Alles junge Kärle ónn kääne älla wie 20. Hann dòh gehuggt ónn óff ihre Telefone rómgeschbielt. Jedst wußt isch jòh dass óffm Rathaus irgendwo e Senda hugge dudd wométt ma fòam Rathaus ónn aach óffm Blatz fòam Dom e sougudda Empfang hat - dòh hugge nämlich sómmasch wie wéndasch junge Läid médda Kabutz fóm Huudie ómm Kobb ónn duddele óff denne Dinga róm - so wie die dòa gischde òmend aach. Dò hann isch dann gedaacht, machsche mò e Spruch ónn guggsch mò óbbse denne fastehn. ónn hann gesaad: kä Wónna, dassna dòh hugge, dò hanna jòh e gudde Empfang ónn hann óff die Kärsch aangeschbielt, óff der wóra Trepp se gehuggt hann. Das hann isch nadeerlich énn Hochdäitsch gesaagt - awwa das kónnd isch eewe nét schräiwa weil isch jòh Blatt schräiwe ónn nédd wääs wie Hochdäitsch se schräiwa geed. Hann dadd gesaat, dòh gugge die mich all bleed ahn, als wenn se kää Woad fastann hann, ónn dann genn die e Antwoad, médd der isch fastann hann, dass die mich wäaglich nét fastann hann. Saad doch der ähn zu mir ónn zuggd debäi mét da Schullere: „Arabisch?“ Hann isch bleed geguggt. Hann die Aaujebraue rónnagezòh nò dem Moddo „du wéllsch mich doch fa-aasche …“ ónn dòh seed der grad nómmó: „Arabisch?“ ónn grénst debäi. Dòh hann isch dann die Schullere gezuggt ónn misch rómgedräät ónn se steen gelòss. Sch’hätz kénne én English fasuche - awwa mòh eerlich? Fünf junge Käarle, énn Sangd Wennel fòam Dom, all ahnstännig ahngezòh, all e modernes Telefon én da Hand, ónn schwätze kää Woad Däitsch? Nä, brouchisch nédd.

de Roland, Naachtwächda fónn Sangt Wennel

 

Mit freundlichen Grüßen

Roland Geiger

--------------------

Roland Geiger
Historische Forschung
Alsfassener Straße 17, 66606 St. Wendel
Tel. 06851-3166
email www.hfrg.de